Skip to main content

Posts

Showing posts from February, 2019

'ओबासान्' को घर

आनन्द काफ्ले
यो साल हामी बसिरहेको ठाउँमा खासै हिउँ परेको छैन । केही दिन अघि राति अलि अलि फास्सफुस्स परेको रहेछ, तर भुइँमा जम्ने गरि होइन, तुसारो जस्तो अलि अलि देखिने गरि मात्र । त्यो पछि हिजो रातिदेखि आज मध्यान्ह सम्म केहि हिमपात भयो । तर पोहोर साल जस्तो खुट्टो घुसाउँनु हो भने घुँडा माथि माथि सम्म पुग्ला झैँको घनघोर चाहिँ होइन । हाम्रो आँगनको कंकृट वाला भुइँमा वरफ जमेन, त्यहि भएर पोहोर जस्तो सावेलले खोतली खोतली पर्गेल्नु पनि परेन  । कपासका ससाना भुवा जसरी उड्दै आएका हिउँका टुक्रा कंकृटको सतह छुँदै बिलाउँदै गरिरहेका भए पनि बारी, चौर तिर भने पातलो तह हुने गरि जमेछ । यो वरिपरि घेराबेरा गरेर बनाइएको ओसिलो ठाउँमा पनि अन्त भन्दा केही बढी हिउँ जम्मा भएछ । युनिभर्सिटीबाट फर्कँने क्रममा हिउँ हेर्दै हेर्दै हिँड्दै गर्दा यहाँ भित्र आँखा पर्यो ।

हिउँ जमेको ठिक यही ठाउँ नेर पहिले ‘ओबासान्’ हरुको घर थियो ।
पुरानो कुरो हो, लेख्नै पर्ने खासै त्यस्तो पनि केही थिएन । तर किन किन यो ठाउँ नियाल्दै गर्दा मनले केही लेखौँ लेखौँ भन्यो । कुरो पोहोर सालको हो ।
यस्तै हिउँदको सिजन थियो । साँझ पख, म विश्वविध्यालयमै…